بسم الله اللهم صلي وسلم على نبينا محمد في كوكوط نضع الدجاج الزبدة والزيت نضيف الحمص والبصل والثوم والطماطم مفرومين ناعم قم نضيف التوابل نغلي الكل جيدا حتى يمتص الدجاج التتبيلة نتركه يدخله الطياب من بعد نمرق بالماء سخون يغلي نغلق الكوكوط ونتركه يستوي

من جهة نقي البسباس جيدا نغسله ونشفه جيدا نفرمه في الاشوار ناعم نزيد نفرم الدجاج مع البصل والثوم نضيف البقسماط والتوابل والمعدنوس ونخلط نضيف نصف بيضة فقط

نتحصل على خليط ما نخليهش يرتاح باش البسباس ما يطلقش الماء تاعه نشكل كريات نرمدهم في الفرينة جيدا ثم مباشرة نقليهم في زيت سخون نترك حتى تحمار الوجه باش يسهل تقليبه للوجه الاخر

هنا لما جهزت المرق حمرت الدجاج وزينت الطبق تاعي كما موضح جا طبق واش نقلكم رائع وبنين بزاف صدقوني الزوج تاعي ما عرفهش بلي بسباس بنته رووعة

نعمة دايمة عليا وعليكم خياتي وشكرا ليكم بزاف على دعمكم وطيبتكم سهرة ممتعة للجميع