كيكة الشوكولاته
كيكه تحفه جدا وبسيطه يارب تعجبكم
الخطوات
- 1
هنجيب البيض ونحط الفانيلا والسكر والزيت واللبن ونضرب ده كله مع بعض
- 2
هنجيب منخل ونحط الدقيق والبيكنج بودر والكاكاو ورشه الملح وننخل كويس بعدين ننزل بيهم على السوائل بتاعتنا ونقلب براحه جدا عشان منفرغش الهوا ممكن تقلبي بأيدك أو باسباتولا زي ماانا عملت ومتستعمليش المضرب خاالص بعد ما تحطي الدقيق
- 3
بعد ما خلصنا هندهن الصينيه بتاعتنا بشويه زيت كده وبعدين نحط شويه دقيق عليها وننزل بالكيك +متجيبيش صنيه واسعه عشان ترفع معاكي كويس كل ما تبقا الصنيه صغيره كل ما الكيك هيرفع اكتر ويبقا عادي
- 4
هنحطها في الفرن لمده ٢٠ دقيقه بنار متوسطه أو... نص ساعه بنار هاديه
- 5
هنعمل الصوص اللي هنزينها بيه
- 6
هنقلب الدقيق واللبن والسكر والكاكاو والنشا على البارد وبعدين نرفعهم على النار ونحط المكعبات شيكولاته ونقلب لحد ما يتقل الصوص والمكعبات تسيح هنسيبه يبرد علاما نطلع بالكيك ونحطه عليها
- 7
بعد ما الكيك يطلع هنحط عليها الصوص وانا حطيت نصها شويه كاكاو على الصوص لشكل بس وبألف هنا ❤️
وصفات مشابهة
وصفات ننصحك بمشاهدتها
التعليقات (3)