نقطع الشاورما قطع صغيرة نضيف عليهم التوابل كامل مع الملح ونخلط

وبعد نزيد مغرف كيتشاب ومغرف موتارد وقوط ياغووت طبيعي ونخلط

منبعد نزيد الزيت ونخلط كامل الخليط حتى يجانس مع بعض ثم نغطيه ونخليها ساعة كاملة ونروح نحضر الخبز

نجيب ايناء نحط فيه الفرينة وحليب بودرة والملح والخمارة ونخلط ثم نضيف الزيت ونخلط ثم نلم العجينة بلماء دافئ ونعجن قبل ما نلم العجينة نزيد عليها م/ك خل نعجنها مدة 10 دقائق ونخليها ترتاح 5 دقائق وبعد ما ارتاحت نشكلها بولات حسب حجم الخبز لتبغيه كبير ولاصغير ونخليها ترتاح مدة ساعة أو أكثر

روحو نوجدو شاورما يديرها طيب في مقلاة ونخلط حتى طيب

ضروك روح للخبز لكان ارتاح مدة نديرو يطيب وبعد ناطيبناه نبدى نصنع في تاكوس تاعنا

نحط خبزة من الخبز لطيباه نديرو فيه جبن ولا صوص ثومية هي تتماشا مع تاكوس بصح انا منديرهاش بسكو منحبهاش ندير في بلاصتها جبن ونزيد شاورما والبطاطا

ونزيد السلاطة وطماطم والبصل وجبن أي جبن شيدار أو موزاريلا او قرويار أو جبن السوندويش ثم نغلق الخبزة تاعنا على هذا الشكل

منبعد نديرها في الة البانيناز ولا دريها في المقلاة كيما في الصورة

وبعد ما اخذ اللون الذهبي نحيه ونقدموه كما في الصورة

شهيتكم في الجنة حباباتي الى وصفة اخرى