اولا نحضر العجينة اي عجينة المسمن المهم نعجنوها امليح ونتركها ترتاح في كيس بلاستيك حوالي ربع ساعة على الأقل

ثم نقرس قريسات صغيرة ونتركها ترتاح مرة ثانية حوالي 20دقيقة ثم نفتح العجينة بي الزيت المهم اتكون رقيقة ثم نحضر الطاجين وطيابهم نفتح الاول نضعها في الطاجين ثم نقلبها ونضع الثانية فوقها ونكمل بي هذي الطريقة

حتي نتحصل على خبرة كبيرة فيها 6 او 7 قريسات حسب الكمية لعندك كي ايطيبو نتركها يرتاحو قليل ثم نفتتهم المهم كيما زمان ويلا حبيتي العصري استعملي السكين او المقس

كيف تقدميه نضع الكسكاس ثم انفوره ونفورو الزبيب ثم نحضر العسل مع الزبدة ونقدموه كما في الصوره وبالصحة والهناء خياتي العزاز 😘👍👏