ننخل الدقيق كويس ونضيف عليه الملح ونقلبهم مع بعض وننزل ب الماء بتدريج ونعجن العجينه كويس لحد ما تكون عجينه نعمه

نسبها ترتاح ربع ساعه

ونقسم العجينه تلت حتت او ممكن اتنين او اربعه ع حسب الصنيه اللي عندك قد اي لو كبيره يبقا اتنين لو وسط يبقا تلاته لو صغيره يبقا اربعه

ونسبها ترتاح شويه تاني

بعدين ع صنيه كبيره او التربيزه نحط عليه زيت ونفرد كوره من العجينه عليه ونخليه رقيقه جدا واحنا بنفرد نحط سمنه لحد ما تتفرد كويس وتكون رقيقه خالص من غير ما تتقطع مننا

نلم العجينه بعد ما فردنها نجيب كل طرف ع التاني لحد ما تكون زي الكوره تاني ونحطها ف الصنيه اللي هنسوي فيها ترتاح ربع ساعه ونفردها ع قد الصنيه

نشغل الفرن يسخن وع درجه حراره ١٨٠ نحط الصنيه من تحت لحد ما تحت يحمر ونطلعها ع الشوايه لحد ما الوش ياخد لون ونخرجها من الفرن ونغطيها ب فوطه عشان تفضل طريه ومتنشفش