دونتس 🍩🤩

اول حاجه هنعملها طبعاً خليط الخميرة هنحط اللبن والخميرة والسكر وهنقلبهم سوا ونسيبهم شوية على جنب.. بعدها بقي هنحط المكونات في العجان مع خليط الخميرة وهنبدأ بقي في العجن هتاخد مثلا من خمس لعشر دقائق هتكون ملساء والسطح بتاعها ناعم هنلمها بقي كورة ونسيبها بقي تختمر في مكان دافي لمدة ساعة لساعتين مثلا

بعد ما العجينه خمرت وبقت الضعف وهناخدها بقي ونفردها و ونقطعها دايرة بقطاعه او كباية مثلا و يكون سمكها حوالي ٢ سم وقطعت الباقي بقطاعه الدونتس ونسيبهم ترتاح وتخمر شويه حوالي نصف ساعة

هنسخن الزيت بقي لحد ما يكون بعد الدافي بشويه مينفعش زيت بارد عشان متشربش زيت كتير ومينفعش سخن اوي لانها هتاخد لون غانق ونيه من جوه فاحسن حاجه بعد الدافي بشوية وهنبدأ بقي ننزل في الدونتس واحده واحده على نار متوسطه

هنطلع الدونتس من الزيت على مناديل مطبخ شويه بس عشان تنزل الزيت وبعدها وبعدها وهي ساخنه برضو هنزلها في خليط سكر وقرفة عشان تلزق فيها ونسيبها بقي تهدي عشان نبدأ نذوقها

انا عملت كذا حاجه في منهم حشيتهم بالنوتيلا والتانية بالكاسترد فانيليا وفي منهم سيبتهم قرفة وسكر والشكل التاني ذوقتهم بشوكولاته مطبخ باللبن والشوكولاته البيضا بعد ما سيحتها وفعلا الاربعه كانو في منتهي الجمال يعني ممكن في الحشوات تلعبو براحتكم

بس كدا فعلا كانو حلوين اوي وعجبكو كل العيله اتمنى كمان انتو كمان تكون حبتوهم و عجبتكم ومستنية انكم تجربوها وهشوف بقي رايكم وصور الدونتس بتاعتكم شكرا 😍