تيراميسو سبونج كيك 🍰🥰

اول حاجه بنجهز قالب مقاس ١٦ بندهنه زبدة ورشه دقيق وبنشغل الفرن

هنبدأ نفصل الصفار عن البياض في طبقين مختلفين هنبدأ نشتغل بالبياض هنضيف عليه عصرة ليمون او خل ابيض ومعاه السكر بالتدريج لحد ما يوصل لقوام متماسك

الخطوه التانية هنجيب صفار البيض ونخلطه مع السكر والزيت واللبن لحد ما يتخلطو كويس ونبدأ نضيف الدقيق والملح بالتدريج ونخلطه مع باقي المكونات وفي الاخر بضيف الفانيلا

بنخلط بقي الخليطين سوا بالتدريج وبنقلب من تحت لفوق لحد ما اتاكد انهم اتلخطو سوا كويس وفي نفس الوقت مفقدوش الهوا القوام بيبقي ناعم جدا بنصب الخليط في القالب اللي حضرناه وندخله الفرن بنسيبه من ٤٠ ل ٥٠ دقيقه لحد ما نتاكد انها استوت كويس وبنطلعها لحد ما تهدي ونقلبها

ممكن نحضر خليط التيراميسو البودر مع اللبن والسكر والجبنه لحد ما يوصل لخليط متماسك كده ونسيبه ع جنب او في التلاجه

بنبدأ بقي في الكيك بعد ما تكون هديت بنقسمها ل ٣ اقسام ونبدأ نسقي الكيك بخليط السقي سواء باللبن و السكر النسكافيه او ٣ في ١ وماء ونسقي بقي كل طبقه ونحط شويه من خليط التيراميسو وهكذا لحد مانخلص ٣ طبقات

بنحط علي الجناب ونسويها بسكينه مثلا ونساوي الطبقه الاخيرة ونرش كاكاو ممكن نسيبها كده بس انا اختارت اذود وردات فوق التراميسو والكراميل حطيتهم سوا في كيس تذويق وعمل بقي وردات فوق وبجد شكلها وطعمها وكل حاجه فيها حلوه اوي اتمني تكون عجبتكم وتجربوها وبالف هنا وشفا ❤

كذا ملحوظه بسيطه 🍰❤ممكن تعملو اي كيك مفضله وسهله بالنسبالكو وتتعاملو معاها عادي بنفس الطريقة..الكيك دي احسن لو قعدت اقل حاجه ٦ ساعات في التلاجه قبل التقديم..قبل ما تخرجو اي كيك وبعد ما تتاكدو انها استوت سبوها ١٠ دقايق في الفرن وهو مطفي ونبوارب باب الفرن وتسبوها تبرد بعدها عادي هتتقلب معاكو بسهولة.. مقدار السكر طبعا دي حاجه طبعا ترجعلكو حسب ما بتفضلو ❤ بس كده شكرا 💞