كيكة البرتقال 🍊

اول حاجه هنغسل كمية البرتقال اللي في مكونات ونبشر الطبقة الخارجية للبرتقال عشان يبقى عندنا كمية من البشر ونستخدم منها هي اللي هتدي الطعم والنكهه واللون للكيك

تاني حاجه هنحضر الجناش هنحط الشوكولاته متقطعه قطع صغيرة عشان تسيح بسرعة مع الكريمة والبشر ونقلب سوا لحد ما يتخلطو سوا ويكونو بيلمعو وناعمين خالص هنغطيهم ونسيبهم على جنب

بعدها هنعمل الكيك هنحط البرتقال متفصص ومتقطع في الخلاط مع البيض ومعاه بشر البرتقال والسكر والزيت والسمنة ونخلط كويس جداً لمدة خمس دقائق مثلا لحد ما يكونو لونهم اصفر فاتح كده ومفيش تكتلات ولو في اي تكتلات ممكن نصفيه انا محتجتش اصفيه

بعدها هنكون مجهزين الدقيق والبيكنج بودر في طبق غويط وهنحط عليهم الخليط اللي حضرناة وهنقلب لحد ما يتجانسو كويس جداً هنصب الخليط قي صينية نكون دهانينها سمنه ورشة دقيق وندخلها فرن ساخن هتاخد حوالي ثلث لنص ساعة ونسيبها تبرد شوية ونقلبها

هنسقيها برتقال وده اختياري وبعدها هنصب جناش الشوكولاته اللي حضرناة وذوقتها ببشر البرتقال الباقي بجد جميلة جداً وطريقتها سهله وطعمها كله ميكس برتقال يجنن اتمنى تكون عجبتكم 🍊🤩❤