للعجين: في وعاء نضيف الحليب الدافيء والزيت والسكر والخميرة نحركها ونتركها عشر دقائق. بعدين بنضيف الطحين والملح والباكنج باودر ونعجن لتتشكل عجينة نتركها لمدة ساعة لتتخمر

بنجهز الحشوة: بنضيف بالطنجرة زيت نباتي وبنضيف عليه الدجاج بنتركو على النار لتنشف المي الي نزلت من الدجاج بنضيف البصل وبنحرك وبنضيف البهارات بنتركها على النار ليستوي الدجاج بنضيف باقي المكونات وبنحركهم ٥ دقائق وبنطفي النار

بنقسم العحينة لقسمين قسم اكبر شوي من التاني وبنتركها ترتاح

بندهن الصينية زيت وبنفرد فيها القطعة الاكبر من العجين وبنثقبها بشوكة بنضيف الحشوة وبنفردها بدون ما توصل للاطراف وبنرش على الوجه جبنة

بنرق القطعة الثانية من العجين وبنحطها فوق الحشوة وبنسكر الاطراف منيح وبنعمل على الوجه خطوط بالسكين على شكل التقطيع. بندهن وجه العجين بصفار بيضة وشوية حليب وبنرش حبة سمرا او سمسم وعلى الفرن... اخدت نص ساعة
بعدين بنحمر الوجه... خليها تبرد شوي قبل ما تاكلوها