ننخل الدقيق ونحطه في محضره الطعام او الكبه

نحط الملح على الماء ونقلبهم كويس ونحطهم على الدقيق لو بنعجن بايدينا هنزود الماء شويه شويه

نلم العجينة على شكل كوره ونسيبها ترتاح نص ساعة عشان تتفرد معانا كويس في طبق مرشوش رشة بسيطه بالدقيق ونغطيها ب راب او كيس

نفرد الكور ب دقيق لدواير متقاربه فالحجم ونحط ٣ او ٤ طبقات فوق بعض وبينهم كمية زيت مناسبه ونفردهم ثاني بالنشابه

نسخن طاسه مبتلزقش على نار متوسطة الى هادئة شويه ونحط الطبقات اللي فردناها دقيقه ونقلبها ونسيبها دقيقه ومنستناش تأخذ لون ونخرجها من النار

نستنى عليها شويه لحد ما تكون دافيه ونبدأ نفك الطبقات ونسيبها تبرد ونحفظها في كيس عشان متنشفش ونستخدمها على طول

بنقطع الدايره ل ٤ ارباع ونقفلها بالشكل ده قبل ما نحشيها

وبنلزقهم ب خليط من معلقتين دقيق مع ربع كوب ماء ونقلبهم كويس لحد ما يكون قوامهم زي الطحينه ونستخدمه في تقفيل قطع السمبوسه

وبعد ما نحشيها بيكون شكلها كده بنقليها ونقدمها

وممكن نحتفظ بالسمبوسه محشيه في الفريزر من غير قلى وبنخرجها قبل الاستخدام على طول مبتحتاجش وقت عشان تسيح. انا بحتفظ بيها كده برصهم جنب بعض بالشكل ده وبعدين بلف الكيس على صف صف وبألف هنا على قلوبكم ❤