طبقة الأولى: في كسرونة نضع مرغرين مع زوج م ك فرينة ونبقو نخلطو مليح ومبعد نضيف نصف لتر حليب ونبقو نخلطو حتى يبدا يتقال الخليط نضيفله سكر عادي ونخلطو شوية ومبعد نحوه من فوق النار نضع فاني أو عطر الكراميل أنا درت عطر الكراميل ونقطعو بنان قطع صغيرة ونخلط ثم نفرغه في الكؤوس وندخلوهم التلاجة يبردو

طبقة الثانية: نضع 6 م ك سكر على نار هادئة ونخلوه يذوب حتى يولي كراميل ومبعد نأخد كأس من الماء نفرغ نصف الكأس فوق السكر مع الحذر ونبقى نخلط حتى يعاود يذوب سكر والنصف الثاني من الماء نخلط معاه م ك ميزينة لي هو (نشاء الذرة) نخلطه ونضيفه في الكسرونة ونبقو نحركو حتى نشوفو الخيط بدا يتقال نحوه من فوق النار نخلوه يدفى ثم نضعه في الكؤوس لي كنا حضرناهم قبل ونعيد ندخله التلاجة يبرد مليح

أنا درت تع أم وليد وخرجت مشاء الله.هدي المقادير تعمرلكم 5 كؤوس لي تحب دير كتر ضاعف المقادير أنا كنت درت لتر حليب وضاعفت كل المقادير وهدي المرة تانية ملي درناها وجات روعة في المذاق وزدت الغلطة لي درتها كنت نذوب ف سكر وكانت شوية لاسقة ف المغرف نحيتها بصبعي قريب م نبكي حذاري سكر ونشالله تكون عجبتكم وتجربوها وشكرا❤❤❤