بسم الله نبدأ نضع في وعاء الفرينة و الزبدة و الملح نخلط مليح حتى الحصول على عجين رملي ثم نضع البيضة والخميرة الكيميائية و نخلط العجين مليح بأصابعنا فقط دون عجن للحصول على عجينة متجانسة وطرية (اذا شفناها ما تلمتش مليح نزيدوا ملعقة ماء او حليب)

و نحط العجينة في كيس بلاستيكي و نخليها ترتاح مدة نصف ساعة

بعد ما رتاحت نجيب ليمول لي حا نعمل فيهم و نبدأ نشكل في العجينة في ليمول و نديرها شوي رقيقة باه كي طيب ما تجيش معجنة حتى نكمل كل الكمية و نحطها في الثلاجة مدة ساعة

في هذه الأثناء نروح نحضر كريمة الجبن بعد ما تغلى و طيب نقطع الزيتون و الدجاج تاعي لي كنت طيبتو في صوص بيضاء و نخلطوهم مع كريمة الجبن

نخرج تارتولات من الثلاجة و نضع فيها الحشو و ندخل السنيوة للفرن المسخن من قبل علي درجة حرارة 180درجة حتى طيب التارتولات و تتحمر مليح من تحت نشعل الفرن من فوق حتى تشوفوها اخذت اللون الذهبي و نخرجها نقدمها و بالصحة و العافية