اولا نعجن العجينة عبارة عن سميد وملح ماتكونش طرية كيما المحاجب وماتكونش يابسة ونخلوها ترتاح نصف ساعة بعدها نديرها كريات كيما المحاجب ونطيبها تجي خشينة شوي وطيبوها مليح كيما خبز التاكوس زكي تطيب فتتوها 😁👇 ويمكن تخزينها في الكونجيلاتور

في كوكوط 3 لتر واذا درتو في 5 لتر تضاعفو المكونات تديرو زيت نباتي دجاج او لحم حمص تسكرفجو زروتية مع بصلة والثوم وتديرو الفلفل والطماطم والملح والكسبر مرحي والعكري وكسبر اخضر وتشكشكوها نص ساعة على نار هادئة مع التحريك تسخنو الماء وتمرقو تغلقو عليها تطيب ساعة و10 دقائق

الان كلش واجد ننقصو المرق قدر ماناكلو ونديروه فوق نار هادئة ونبداو نحطو في الفتات ونحركو نخلو فيها الماء شوية لانو الفتات يشرب دقيقة مع التحريك ونديروها في صحن التقديم التزيين فلفل مقطع وكسبر اخضر مقطع واللي يحب يضيف البصل 🤤😍 وايضا الدهان تاع بق.رة يزيدها بنة على بنة❤