نحضر المرق في كوكوت نحط البصل والثوم مرحي والحمص الزيت الملح الفلفل الاسود فلفل الاحمر قطعة الكرومة نقليها مليح من بعد نمرق بالماء الساخن كيويطيب الكرومة نحط طماطم المصبرة ونخليها تعقد شوية

من جهة اخرى نجيب الشخشوخة ندهنها بالزيت ونحطها تفور 10د نزلها ندهنها بالزبدة ونحطلها عصير البصل ونخليها تنشف ونزيد نحطها تفور 10د نزلها نديرلها زبدة ومرق وشوية طماطم مصبرة ونحطها تفور 10د اخرى

في الاخير نحط الشخشوخة في كسرونة ونزيدلها طرف زبدة ونصبلها المرق ونخليها على نار حتى تتشرب كامل وشهية طيبة