الاول خالص ننقع السياخ الخشب في مايه 😀 و بعدين نغسل الفرخه او الصدور و بعدين نقطعها حتت كبيرة و نسيبها تتصفى من المياه

هنخلط علبتين الزبادي و البهارات و التوابل كلها مع بعض و نضيف ليهم الثوم بس يكون مفروم خاالص و ملح طبعا 😅

هنضيف ليهم الفراخ و نقلب كويس و نحطها في التلاجه نص ساعه علي الاقل و كل ما كانت المده اكتر كانت احسن..

ونجيب بصله و 2 بطاطس وسط و فلفل اخضر و يتقطعوا و نرصهم مع الفراخ في السياخ و نحطهم في صنيه مدهونه زيت بسيط و نحط الصنيه في الفرن يكون شغال من الاول علي 200° و بعد ربع ساعه نقلب السياخ عشان متلزقش

وبعد ما تستوي نكون مجهزين فحمه متولعه و نحطها في طبق فيه زيت يكون في صنيه الشيش و نغطي الصنيه 5 دقايق