بسم الله الرحمن الرحيم

بسمالله نبداو نحضرو الحشو اولا با نحطوه يبرد على جيهة.... نحط في مقلاة البصل والفلفل والزيت والملح والفلفل الاسودو البابريكا نخليها تتقلى مليح اومبعد نضيفلها البطاطا مع الثام والحشاوش ونخلطها مليح ونخليها تتقلى شوي معاهم تاخذ البنة..هكذا نحيها منفوق النار ونخليها تبرد...

من جيهة ثانية نحضر صلصة البيشاميل (طريقتي الخاصة) نجيب كسرونة نحط فيها الحليب البارد والفرينة والملح والفلفل. الاسود ونخلط كلش بارد في بارد حتى يتجانس الخليط...نحطو فوق النار حتى يعقاد ونحيه نضيفلو ملعقة زبدة ونخلطو مع الحشو ليسبقلي حضرتو لفوق👆...

نفوت نحضر الكريب...نحط جميع المكونات مع بعض ونخلط بالبرا ميكسور باش مايبقاوليش الحبيبات ونطيب في كريبيار...كل مانطيب حبة نحطها في وسط منديل مع بلاستيك باش تبقالي لينة كينجي نحشي فيها تجيني ساهلة حتى نكمل الكميةتاعي..

نبدا نحشي في الحبات تاوعي ونعاود نحطهم في الكريبيار ياخدو لون محمر طريقة طي الكريب حسب الذوق انا طريتهم هكدا...🌸