نحمصو الدقيق في طاجين مسرح ولي ماعندهاش تحمصو فالمقلة المهم لازم تعسوه باه ما يتحرقش وفي نفس الوقت ما تخلوهش أبيض،في الجهة المقابلة تكونو حطيتو فالقصعة الغرس و الجلجلانية والزبدة باه كي يتحمص الدقيق تلوحوه مباشرة فوق الغرس و هو سخون و تزيدولو رشة الملح وتعجنو مليح حتان يتماسك بعدها تحطوه فوق طاولة العمل و تحلوه و تشكلو الأشكال لي حبيتوها و ممكن حتى تشكلوه بطريقة زمان كرات صغيرة

ملاحظة الجلجلانية راهي إختيارية لي ما يحبهاش يقدر يبدلها بكاوكاو مقلي و مرحي او تستغناو عليهم في زوج

كذلك بالنسبة للزبدة راهي عينك ميزانك حسب الكمية لي ديروها لأنو مالازمش يجي شايح

و بصحتكم و جربوها وادعيو لأمي