اولا نجيب كاس حليب دافي وملعقة كبيرة سكرة وملعقة كبيرة خميرة ونخلطهم معا بعض ونخليهم يختمرو مدة 3دقايق

من بعد ما تختمر هبطي تخمار وديري نص كاس زيت وحبة بيض وملعقة ملح وخلطي كلش معا بعضاه مليح من بعد جيبي فرينة ولمي عجينتك حتى تحكم روحها وخليها تختمر مدة نص ساعة ساعة غير ربع

في وقت هذاك ارحي طوماطيش تاعك كمية على حسب رغبة انا درت 3كفاوني وفاوني زيدي عليهم شوية ملح فلفل كحل عكري مغرف صغيرة طوماطيش تاع لباط شوية زيت (لا كنتي راح طيبيها شوي خليها برك قيس ما تهز لغلية هو من احسن ديريلها شوي ماء وماطيبيحها ما والو)

نشعلو فرن تاعنا يسخن ونجيبو سنيولا تاعنا كاري ندهنوها بشوي زيت ونجيب عجينتي ونحلها بيدي (من اسرار سر نجاح بيتزا انك تحليها بيدك ماشي بلحلال) كي نحلها نكمل نجيب فرشيطة ولا موس نرقها كامل من بعد ندخلها نطيبها نص طياب ونخرجها نديرلها لاصوص ديالي وشوية زيتون وفلفل لا حبيتو ونرجعها طيب ماتديش وقت بزاف عسوها

بعد ما نخرجوها نديرولها لعضام لمغلين ومرابين من فوق شوية دبشة تاني تعطيها بنة ولا أروع وشهية طيبة