نحط الماء الدافئ والخميرة والسكر ونخليهم خمس دقائق حتى يتفاعلو ثم نضيف الزيت وبياض بيضة والملح وملعقة خل ونلم بالفرينة حتى نتحصل على عجينة طرية ندلكها قليلا ثم نخليها تخمر حتى يتضاعف حجمها

نحضر الحشو نقطع البصل والطماطم ونحطهم في مقلاة ثم نرحي الجزر والجريولت ونحطهم ونخلط جيدا ونغطيها ونخليها تطيب ثم نحط الملح والزيت ونخلي الكل يطيب ونخليها تبرد

نطرح العجينة بالاستعانة بالفرينة ونشكل دوائر ونحطهم في مول التارتولات ونحط كمية من الحشو والقليل من الجبن المبشور ونغلق بدائرة عجين اخرى ونغلق جيدا من الجوانب وندهن الوجه بصفار البيض ونحط زيتون اسود ونثقبهم وندخلهم الى فرن ساخن على درجة حرارة180درجة ونخليها تطيب وتقدم بالصحة والهنا