منغسل الدجاجة (اتركي الجلدة) جيداً و مننقعها بالماء و الخل لمدة لا تقل عن اربع ساعات

بعدين منغسل الدجاجة من الماء لي كانت منقوعة فيها

في زبدية صغيرة منحط كل البهارات، الملح، الخل، لبن، دبس البندورة، دبس الفليفلة و زيت الزيتون و بعدين منحطون على الدجاج و منفركها بالخلطة ومنتركها منقوعة ليلة كاملة بالبراد.

نغسل الخضروات و نقطعها بالشكل لي بيناسبنا

تاني نهار منطلع الدجاجة و نضعها في الكيس الحراري (اكياس خاصة بالفرن منلاقيها بالسوبرماركت) ونضعها معها الخضار ونرتبهم حوال الدجاجة و طبعاً معهم الثوم المقشر و البصل المقطع قطع كبيرة منحط معهم الزبدة و كوب الماء ثم نغلق الكيس بالفقل لي جاي مع الكيس.

منحط الكيس على صينية و منجيب دبوس و منثقب الكيس من كل الاطراف مشان يطلع منها البخار وما ينفجر الكيس من الضغط ونضعها بالفرن على درجة حرارة ٢٠٠ من نحن لمدة ساعة بعدين منحطون الفرن من فوق درجة حرارة ١٨٠ و نتركها نصف ساعة.

بعد ١:٣٠ ما خلصت الدجاجة بتكون استوت منطلعها من الفرن منحاول نقص الكيس بطريقة ما يجي البخار علينا مشان ما نحرق حالنا

نضع الدجاجة في صحن التقديم و معاها الخضار ممكن نستخدم المرقة جنبها او نعمل منها كريفي ❤️ و صحتين و هنا