نسلق الرز البسمتي نص سلقة أو يتنقع في ماء ساخنة لمده نص ساعة أو لحد لما تدوسي على الرزة تبقي نص سوا كده ودا اللي بعمله

نشيل جلد الفراخ وتقطع الي قطعتين علشان تستوي بسرعة وتشرب التوابل

نحط ملعقة سمنة وشويه زيت وبعدين نشوح البصل على الثوم ونحط ورق اللورا واللومي لو متوفر

نضرب الطماطم في الخلاط مع شوية مائة صغيرين ونحط صلصة الطماطم على البصل.. ممكن تقطعي طماطم صغيرة حتت صغيرة بتكون حلوة أو وانتي بتضربي الطماطم ماتدوسيش عليها اوي في الخلاط 😂😂

نقلب بالمعلقة ونحط شطة لو عايزينها حراقة وبعدين نحط الفراخ من غير جلد ومش هنحط ملح لان هتبقي مظبوطة لو كميةالرز اكتر من النص كيلو دوقي بعد ماتحطي الرز عايزة ملح ولا لا لانها خداعة 😂

نسيب الفراخ تبقي نص سوا في الصلصة وبعدين نحط الرز عليهم ونغطي الحلة.. في الاول نار متوسطة وبعدين هادية

لحد ماتستوي وتبقى قمر 🥰

تشيلي الفراخ الاول علشان تعرفي تحطي الرز وتقدم زي ما تحبي في سيرفيس أو اطباق منفصلة زيي😂😂❤️
جنبها كاتشب ومايونيز وباربيكو ملعقة من كل حاجة ويتقلبوا على بعض ويتاكل بيها الفراخ أو مخلل او توميه هبقى انزلها أن شاء الله ❤️