اول حاجه بعمل الشربات بجيب حله نضع السكر + والماء على النار ومنلمسهمش يغلو نقلبهم ونتاكد ان السكر كله داب ننزل بعصره نص ليمونة ونتركه يغلو ٥ دقائق ثم ننزل برشة الفانيليا ونطفي نتركه يبرد تماما ثم يدخل الثلاجه يبقى ساقع

تاني حاجه بعمل الكريمة بقسم اللبن نصين.. نص هحط عليه الخل ونتركه على النار لحد ما يفصل ونصفيه وناخد اللي اتجبن منه بس
والنص التاني من اللبن بنضعه في حله صغيرة ونضع عليه النشا + السكر + الفانيليا ونقلب لحد ما يتقل شويه (عايزه سمكه مش تقيل اوي هو بيتقل لما يبرد)
ثم نضع عليها الجزء المتجبن ونخلط بالمضرب السلك لحد ما يختلطوا ونتركه على جنب يبرد شويه

تالت خطوه بنجيب الكنافة المتفرزه قبلها بيوم في الفريزر (علشان يسهل علينا تكسيرها) ونفتتها بايدنا كويس وننزل عليها ب ٢ ملعقة كبيره سكر بودر ونخلط ثم ٤ ملاعق كبيره سمنه سايحه (انا استخدمت بلدي على عادي علشان تكون اخف) ونخلط كويس

بنجيب صينية مقاس ٣٢ (علشان السمك يكون رفيع وجميل مش تخين) وندهنها سمنه بلدي بالفرشه وننزل بنص كميةالكنافة ونعمل حواف من الجوانب من الكنافة علشان الكريمة متخرجش برا وتتحرق ونضغط بصينيه اصغر منها ونضغط كويس زي الصوره ثم ننزل بمعلقتين سمنه

ثم ننزل بالكريمة ونوزعها كويس وننزل بباقي الكنافة ونوزع من الاطراف الاول ثم في النص ونظغط براحه مش اوي هنا بقي

تدخل فرن سابق التسخين على ١٩٠ درجه في الشبكه في النص ونتركها لحد ما الجوانب تحمر وتفصل من الصينية ونشغل الشوايه من فوق تأخذ وجه

ونقلبها على صينية التقديم وننزل عليها بالشربات البارد والكنافه ساخنه اول ما تطلع ونغطيها ونتركها تشرب الشربات

وبعدها نزينها انا عملتها على شكل هلال ونجمه حطيت طبق خفيف وعملت حوليه شكل الهلال بالفزدق زي الصوره كده وكان عندي شكل النجمه حطيت فيها جوز هند وسويته كويس وبالف هنا.. كان نفسي اصورها لما اتقطعت بس ملحقتش 😂😂😋

و متنسوناش بدعوة حلوه في رمضان 🤲🌙