أول حاجه هنبدأ نجهز الصلصه :
نضرب الطماطم في الخلاط مع قرن فلفل حامي (مش هنصفيها) ، و بعدين نجيب حتة سمنه على النار و ننزل عليها بالثوم مفروم لحد مـ يصفر و ننزل عليه بعصير الطماطم و رشة. ملح و سكر فقط و نسيبهم يتسبكوا بس مش جامد (نسيب فيها شوية ميه)

نبدأ نجهز في الخضار :
نقطعه طرنشات أو حسب الرغبة و نقليه في الزيت و نطلعه نصفيه

لما نصفيه كويس من الزيت ننزل بيه على التسبيكه و نضيف رشة كمون و نسيبهم على نار هادئة خالص ياخدوا و يدوا مع بعض لحد مـ الماء اللي في الطماطم تنشف (في الخطوه دي ممكن ندخلها الفرن بدل م نسيبها على النار) و نحاول مانقلبش كتير علشان مانهريش الخضار و بالهنا ♥️