اولا: نحظر إيناء فيه لبيض و السكر ولمرغرين و لفاني وتخلطيهم مع بعض بلباطور و بعدها تظيفي خميرة لحلوة ولفرينة وتكملي تجملي فيها بيدك بدون عجنها؛ تلميها برك. و حتان تتجمل حاولي ماتشيحيهاش بزاف باه ناتجيكش يابسة كي طيب و كي تكملي تلميها غطيها بلبابي فيلم و ابقي اجبدي غير بشوي حليها فلبابي فيلم بلقنوط واطبعي الطابع لي تحبي وطيبي على درجة200°.

ثانيا: نجيب لقوفريق نسكفرجو لازم تسكرفجيه ماترحيهش فروبو و تزيدلو لكوكاو لي تكوني حمصتيه ورحتيه من قبل و تلميهم بشيكولة الطلي.

ثالثا: نجيب كاسرونة نحط فيها كمية لي بغيت من الشيكولاتة (بيضاء او سوداء) نحطها على حمام مائي حتان تذوبلي هاذيك الشيكولاتة نحيها من الحمام لمائي ونجيب بانسو وندهن السليكون بهاذيك الشيكولاتة بطبقات كل مانير طبقة نحطها فلكونجيلاتور تحكم روحها حتان نكمل الطبقات كل؛ من 2ل4 المهم على حسابك نتي واش تشوفي في شيكولة تاعك غطات السليكون حبسي و بعد مايتغطا السليكون تاعك و الشيكولة جمدت وحكمت روحا مليح حطيلها الحشو تاع لقوفريط والكوكاو لي كنتي لمتيه من قبل وزيدي رجعي لمول تاعك لفريجيدار حتى تحكم روها شويا.

كي تحكم روحها شويا نحيها من السليكون ولصقيها فالصابلي لي طيبتيه فلول و التزيين يبقى إختياركم؛ انا درت نص حبة نوازات و ورق ذهبي و نتوما ديرو لي نسابكم و كل واحد ذوقو فالديكور 🥰