نضع كوب الماء والنشا الي طاسه تيفال علشان ماتلزقش مننا ونقلب لحد مايدوب النشا وبعدين نحطها ع نار متوسطة ونقلب لحد ماتتقل ويبقي لونها شفاف

نسيبها تبرد وبعدين نحطها ف الخلاط او الهاند بلندر ونحط فصين توم مفرومين ومعلقة الخل ومعلقة عصير الليمون والفلفل الاسود رشه صغيرة اوي وشطة لو عايزاها حراقة ونحط معلقة المايونيز وملح حسب الرغبه ونضرب ف الخلاط
الزبادي انا ساعات بحطه وساعات لا علشان مش بيكون عندي وفي الحالتين جميلة ❤️
لو عندك حطيه مع المكونات واضربي في الخلاط

نضربهم كويس اوووي في الخلاط وبعدين نحط معلقة زيت ونضربهم تاني و نشوف القوام والطعم لو الطعم مظبوط يبقي خلاص لو عايز فص توم كمان حطي واضربي كويس وكله حسب الرغبة 😘
لو خفيفه انزلي بشويه زيت واضربيها ف الخلاط كويس..

لو فيها كلاكيع معاكي هاتي مصفاه فتحاتها صغيرة وحطي فيها الخليط وقلبي بالمعلقه او بإيديك وهينزل الناعم معاكي من غير كلاكيع وهيكون تحفة 😘

نسيبها شويه ترتاح علشان المكونات تتفاعل مع بعض وبألف هنا ❤️