للعجينة 🥰 في إناء نحط كوب من الحليب الدافئ مع ملعقة السكر وملعقة الخميرة نخلط جيداً ثم نتركهم جانبا حتى يتفعالو من بعد مايتفاعلو نضيف عليهم كأس إلا ربع من الزيت والبيضة الكاملة والملح نخلط مليح من بعد نضيف الفرينة مع نص كيس خميره الحلوى مع التخليط المستمر حتى نتحصل على عجينة طرية وتلتسق في اليد نجمعها مليح ونضيفلها ثلاث ملاعق كبيرة زيت زيتون كي أستطيع التحكم فيها ونخليها تتفاعل على جنب

من بعد ماتضاعف حجم العجينة راح نقطعها إلى دوائر نتوما تتحكمو فالحجم تحبو الحبات نتاع السوفلي نتاعكم كبار ولا صغار أنا درتهم متوسطين وخدمتهم غير بالفرشيطة نتوما إذا ماتقدروش تخدمو الحبة قد بعضاهم تقدرو تستعملو الطابع نتاع لي سوفلي أنا متعودة نخدم غير بيدي نعاون روحي بالفرينة فوق مكان العمل ونجيب الحلال ونحل الدوائر نتاع شوية فطول وشوية فالعرض ونحط القليل من الحشو في الوسط والقليل من الجبن ونغلق الحبة نتاعي نتضغط عليها بإستعمال الشوكة في الحواف باش ماتتفتحليش وثاني باش تعطيني شكل جميل

بعد مانكمل كامل الحبات نتاعي نحطهم في صينية كنت دهنتها بالزيت ونحط الحبات نتاعي فوقها وندهنهم من الفوق بصفار البيض وأنا زينت شوية بالسينوج وشوية جلجلانية وشوية بسينوج وندخلهم للفرن حتى يطيبو ويطيبو ويتحمرو مليح ونخرجهم وبصحتكم 😘😇💜