الخطوات
- 1
نبدأ بالعجينة 🤤 في إناء نحط كأس من الماء الدافئ+نصف كأس من الحليب المغلي +ملعقة كبيرة خميرة الخبز+ملعقة كبيرة من السكر ونترك الخليط جانبا لكي يتفاعل.
بعد مايتفاعل الخليط نتاعي راح نزيدلو بيضة كاملة مع نصف كأس من الزيت والملح ونقوم بالخلط جيداً ونضيف الفرينة مع نصف كيس خميره الحلوى حتى نتحصل على عجينة طرية وتتلاسق في اليد نتركها لترتاح ويتضاعف حجمها لمدة نصف ساعة.
- 2
الصلصة 🍕 في مقلاة نضع الزيت +البصل المفروم+الطماطم المفرومة+الثوم والفلفل المفروم +التوابل والملح +نصف ملعقة كبيرة طماطم مصبرة ونصف ملعقة كبيرة هريسة نقوم بالتحريك ونتركها لمدة خمس دقائق أو حتى تغلي المكونات نضيف نصف فنجان من الماء ونتركها دقيقة فقط ونغلق النار ونتركها لتبرد قليلا.
- 3
بعد مامرة النصف ساعة والعجينة نتاعي تفاعلت راح نجيب صينية الفرن وندهنها بالزيت ونقطع كمية من العجينة نتاعي راح تكون تتلاسق بزاف ندهن شوية زيت بين يدي ونخبزها على الصينية نتاعي أنا مانحبش العجينة تكون خشينة وأنتم أحرار تحبوها خشينة ولا رقيقة بعد مانخبزها راح نضيفلها الصلصة ونزينها بالزيتون أخضر وأسود وجبن وندخلها للفرن حتى طيب من بعد نفتحلها غير شوية من الفوق حتى تنشف فقط مانحبهاش طيب بزااف خاطر تيبس وكي نجبدها ندهنها من الفوق بزيت الزيتون راح تعطيلها طعم رائع ونرشها الفوق بدبشة ونقدمهاوبصحتكم
- 4
لتوضيح فقط هاذ الكمية من المكونات عملتلي ثلاث خبزات حجم متوسط 🍕🍕🍕🍕
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (2)