قطعي البطاطا كما تحبي دوائر ولا مربعات و اقليها عادي

قطعي القرعة دوائر ولا نصف دوائر و اقليها تاني ولكن ليس بطريقة قليان البطاطا لنها تجي مزيتة بزاف طيبيها فلمقلة و زيدي الزيت بلعقل حتى طيبلك باش ماتجيش مزيتة بزاف

طيبي اللحم المفروم ديالك عادي و زيديلو ملح و فلفل اسود

قطعي البصل كذالك و طيبيه كما طيبتي القرعة و اللحم المفروم زيديلو بشوية الزيت جتى يطيب باش ماتجيش لحالة مزيتة بزاف

بعدما تطيب البطاطا و القرعة و البحم المفروم و البصل
زيدي اخذمي البيشاميل بالطريقة العادية ملعقة فرينة حمسيها في شوية زبدة ولا زيت و نصف لتر حليب و ملح و فلفل اسود و فرماج و حليها تثقال

فالمرحلة الاخيرة جيبي الطبق ديالك و ديري البطاطا كطبقة اولى ديري فوقها شوية بيشاميل زيدي القرعة كطبقة ثانية من بعد البطاطا للمرة الثانية منبعد اللحم المفروم و البصل كطبقة اخيرة و زيدي فوقهم البيشاميل لي بقات و مع الفرماج من فوق و دخليه للفور يشد روحو شوية و يحمار شوية و بصحتكم

والله والله يالبنات غير بنة ولا اروع جربوه والله ماراح تندمو سورتو لي عندهم ولادهم مايكلوش القرعة ماراحش يحسو كامل بزااااف بنين