نبدأ على بركة الله، أولا نسلق البطاطا في الماء والقليل من الملح خليتهــا حتـى طابت مليح، من بعد خليتها تبرد ورابيتها بالرقيق أو نمعسوها بالفرشيطة وحطيتها في إناء، ضفت عليها الدجاج المفروم مشحّر في شوية زيت مع القليل من البصلة مقطع رقيق مع القليل من الملح والتوابل (فلفل أسود والكركم، سكين جبير)، وضفت عليهم تابل الجبن وتابل الكفتة والقليل جدا من الملح مع الثوم مفروم والمعدنوس مفروم والقليل من الجبن مبشور (إختياري) وخلطت الكل جيدا حتى انساجمت كل المكونات.

قسمت دائرة الديول على إثنين، وعاود طويتها بالطول على إثنين وحطيت لحشو في الطرف وغلقت على شكل مثلث (كيما الصامصة).
ملاحظة مهمة: ✔اوراق الديول لازم يكونو محفوظين في الكيس الخاص بيهم نجبد على حسب الحاجة باش ما ينشفوش.

عمرت كامل الديول اللي عندي بنفس الطريقة، في مقلاة حطيت شوية زيت وخليتها تسخن من بعد وضعت البوراك ونقصت شوية على النار وخليتو يتحمر من كل الجوانب، واللي تتقلى نحيها ونحطها فوق ورق ماص.

وقدمتهم بألف صحة وهنا 😋👌🏻😋