نبداو على باركت الله نجيبو بطاطا نقشروها او نقطعوها دوائر او الثوم نديروه بسكرفاج او فلفلة حارة نقطعوها دوائر

او نجيبو الحوت نقيوه او نغسلوه او نحيولو الشوكة اومبعد نخليوه يتقطر من الماء تعو

في كسرونة نديرو قليل من الزيت او نبداو نقليو الثوم مع الدرسة لبقتلي من قبل نقليوه مليح

او نديرولو فلفل احمر حار نخليوه يتقلا او نديرولو فنجان ماء باش متحرقكش الثوم او متنسوش النار تكون متوسطة.

او نديرو ملعقة صغيرة طماطم مصبرة وفلفل اسود وكمون وبابريكة احمر حلو او ملح نقليهم مليح او نرمو البطاطا باش تتقلا معهم او نغطيوها او خليوها تتقلا جيد.

كي تتقلا نمرقو بماء الساخن انخليوها طيب

كي تبدا تنقسلها المرقة نديرولها الحوت فوق البطاطا او نخليوه يطيب بعقلها حتى جوفو المرقة نقست شويا او عقدة

متنسوش الحار اختياري لمتحبش الحار مديرش بسكو هيا اصلها حارة

نقدموها بصحتكم 😋😋بنينة علابلي تعجبكم بزاف بصحة او عافية