بسم الله كيلة تاعي فنجان صغير حوالى 20 حبة نضع 5 كيلات فرينة ملعقة خميرة نصف ملعقة صغيرة ملح ملعقة كبيرة فانيلا خلطيهم كيلة زبدة ذائبة وباردة بسيهم مليح معا بعض اضيفي بيضة ملعقة كبيرة خل وخلطيهم جيداً ثم لمي لعجينة ماء الزهر بعدها خليها طرية غطيها ترتاح على أقل 2سوايع

احضري النشاء فرشي كمية من نشاء على طاولة العمل قسمي لعجينة على 2 غلفيها حتى ماتيبسش حلى قسم من لعجينة رقيه اكثر من لمسمن بقليل ثم فرشي كمية من نشاء وزعيه عليه كامل واطويها على إثنان ثم على ثلاثة خليها ترتاح بعدها حضري لقسم آخر من لعجينة خدميه كما لاول اخدميهم مرتين مرتين خليهم يرتاح دقيقتان

بعدها حضري قسم من لعجينة وحليه رقيق اقل من صابلي بشوي ثم قطعيها بطابع يكون كما ماكسي طويل وحطي ثلاث قطع فوق بعضاهم وغلقيهم بخيوط صفراء ذهبية كملي لعجينة كامل هكذا وغطيهم ماييبسوش

وقليهم في كمية من زيت على نار متوسطة زيت مش سخون بزاف باه تتحكمي في لحبة وتتورق مليح حطي بالحبة تاع قريوش وحطي عليها زيت من لفوق وحدها تتفتح وتصبح كما زهرة في أطراف مورقة والله مجربتها

ثم عسليهم بعسل بارد وبدون إضافات وهيا دافية وشهية طيبة