القلب اللوز بطريقتي الخاصة روعة
الخطوات
- 1
نجيبو بول نحطو فيه السميد تاعنا والسكر والزيت نبسسو شوية ونضيفلو كاس تاع الماء وهديك الشوية تاع الماء الزهر مع العطر تاعو وفي الصورة نوعية السميد والكاس لي كيلت بيه كل شيء
- 2
والخليط تاعي شوفو كيفاش
- 3
دوكا الخليط تاعنا يبان جاري شوية حنا واش نديرو نحلو الأصابع تاع يدنا ونخلطوه هكا باش يذوب السكر ويطلق العسل تاعو شغل تحسي يدك تثقال بعد خمس دقايق هكداك
- 4
كيما في الصور الفوق
- 5
ونكون شعلت الفور تاعي يسخن خاطر القلب اللوز مايحبش النار ناقصة يحبها فوق المتوسطة شوية
- 6
نوجد السنيوة تاعي ندهنها يمغرفة سمن هكا
- 7
ممباعد نجيب الخليط تاعي شغل نقسمو على زوج الاول نحطو في السنيوة نسويه ونضيف الكاكاو غير هكداك مزربع يعني مش طبقة خشينة تذريه هكداك في الوسط برك
- 8
وتخبيه بالنص الثاني لي بقالك
- 9
وفي هاد الوقت تكوني حضرتي الشاربات في كسرونة نحط 2 كيسان سكر 4 ماء يغليوومدة عشر دقايق هكداك نحوه من على النار نزيدلو نص كاس ماء الزهر مع العطر تاعو واذا عندك ملعقة عسل كبيرة ضيفيها واذا ماعندكش تقدري تستغناي عليها
- 10
نحيو الشاربات تاعنا تبرد وندخلو القلب اللوز تاعنا يطيب من تحت برك بعدما يبدا يشد روحو ويتحمر من تحت نجيب السكين نخطط برك خاطر حتى يطيب من تحت باش تقدري تقسميه مليح
- 11
بعدما يطيب لتحت وشوفيه تحمر من الجوانب يبان مليح تخرجيه وتشعلي من فوق تشمخيه من فوق بالسمن تدهنيه كيما نقول وتستعملي السكين تاعك وتقسميه مليح يبان وتحبي تضيفيلو حبات اللوز ديري انا ماكانش عندي استغنيت عليه وتعاودي دخليه للفور تاعك يطيب من الفوق. ماتنحيهش حتى شوفي الطبقة ذهبية رايحة للبني روعة تنحيه وتشربيه مباشرة وهو سخون
- 12
خلي كمية صغيرة من الشاربات في الكسرونة يريح شوية ويشرب مليح فرغي الباقي
- 13
ملاحظة هدا القلب اللوز مايبات باش طيبيه مايبات باش تقسمية ويتكل في نهار أكيد بعد ساعة ولا ساعتين باش يشرب مليح فقط والله ماتندمو عليه ولي جربو تردلي خبر
- 14
وبالصحة والعافية شوفو الصورة تقولكم😋😋😋
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
-
-
-
-
-
قلب اللوز على طريقتي قلب اللوز على طريقتي
#هدية_لصديقتي 🍓الفرولات المميزات ، النشيطات ، المتألقات ، الغاليات ، الحبوبات @nada_amani21 و @cook_16769665 و @ranouma27 و كامل الفرولات اللي مقدرتش نذكرهم🍓🍓🍓 نحبكم غالياتي و نتمنالكم التوفيق و النجاح المتواصل 💞
-
-
قلب اللوز رائع قلب اللوز رائع
هو أسهل حاجة حلوة🎁بمكونات موجودة فكل بيت👌(يقدم خاصة في رمضان💐مع حلويات ومكسرات..
وصفات ننصحك بمشاهدتها
التعليقات (6)