فتة اللحم المصرية
بحب اعمل الفته دايما..مش فالعيد بس وخاصة بحب أعملها يوم الجمعة
فتة اللحم المصرية
بحب اعمل الفته دايما..مش فالعيد بس وخاصة بحب أعملها يوم الجمعة
الخطوات
- 1
تسلق اللحمه ويضاف إلى الماء الحبهان واللورى والفلفل والبصلة و طماطماية صغيرة ونضيف الملح عند الاستواء..وتترك جانبا
- 2
لعمل الصلصة..نضرب الطماطم بالخلاط ومعاها قرن الفلفل
- 3
نفرم التوم ونحمره بالسمن البلدى ولما يصفر نضع عليه معلقه الخل وبعدها الطماطم والملح والشطه والكمون والفلفل والمرقه ونسيبها تغلى 15دقيقه وبعدين نطفى النار عشان ماتتسبكش..ثم نضيف كوب شوربة ساخن من اللحمه عليها..ونتركها جانبا
- 4
لعمل الأرز..نضع السمن وملعقتين زيت عالنار ولما يسخنوا احط ميه مناسبه لمقدار الارز ولما تغلى احط الملح وبعدها الأرز ويكون مغسول طبعا او مايغلى أهدى النار جدا لما يتشرب احط ربع كوب لبن صغير واسيبه يستوى
- 5
أقطع.العيش قطع صغيره فى مقلاه وأضع عليه ملعقتين سمنه واحمره لما يبقى اغمق ماللون الدهبي كده..او احطه تحت الشواية يحمر
- 6
فى طبق كبير احط العيش وعليه نص كوب شوربة ساخن والعيش يكون ساخن واغطيه لما يتشرب وبعدين احط صلصه بسيطه على وشه وشويه فلفل اسمر..ملحوظه متكتريش الشوربه عشان العيش ميعجنش ويكون وفلفل
- 7
وبعدين نحط الأرز وعليه الصلصة حسب الكميه إللى تحبيها
- 8
فى نفس مقلايه العيش نحط ملعقتين سمنه ونحمر اللحمه فيها لو حبيتي..او تخليها مسلوقه عادى وبعدين حطيها فوق الأرز.
- 9
الخطوة دى اختيارية..ممكن تحمرى شويه توم مفرومين بالسمن ولما يصفروا حطى ملعقتين خل كبار عليهم وملعقتين شوربة كبار واطفى النار علطول وبعدين رشيها فوق طبق الفته قبل التقديم علطول..وبالهنا والشفا
وصفات مشابهة
-
-
فتة اللحم المصرية بالخل والثوم فتة اللحم المصرية بالخل والثوم
اكلة اساسية في مصر فى عيد الأضحى المبارك وبما اننا فى غربة فبنحاول نعيش فعاليات العيد اللي محرومين منه بعيد عن الاهل ربنا يصبرنا
-
-
-
فتة باللحمة فتة باللحمة
فتة باللحمة بطريقه سهلة ولذيذه في القلب على طريقه امي الغالية الله يحفظها 💕❤️🍖🥩😋#طبخات_امي
-
-
-
-
-
-
فتة باللحمة وتقلية الثوم فتة باللحمة وتقلية الثوم
#المطبخ_العربي_الاقوى اكلة مصرية ممتعة مشهورة في العيد الأضحى فتة مع لحم الخروف
وصفات ننصحك بمشاهدتها
التعليقات