كنافة بالمانجو
الخطوات
- 1
هنجيب المنافه ونبيتها ليله ف الفريزر ونطلعها تاني يوم نكسرها ف محضره الطعام الكبه بتاعتها هتتكسر معكي بسهوله جدا
- 2
تحطيها علي النار ف حله وتحطي عليها شويه سمنه حلوين كدة يعني ٣ ملاعق كبار كدة ونفضل نقلب نقلب حتي الحصول علي اللون الذهبي كما ف الصورة
- 3
هنتركها تهدي لاني عاوزاها مقرمشه علي ماتهدي هنحضر الشربات بتاعها نحط كوب ونص سكر ل كوب ونص ماء ورشه فانيليا يغلوا شويه كدة مش لازم يتقل يادوب تحسي انه بدا يبقي شربات كدة تعصري عصره الليمونه وتطفي
- 4
هنسقي الكنافه لما تكون هديت بالشربات بتاعي لحد ماتتشبع انا حطيت كميه الشربات كلها علي الكنافه
- 5
هنجيب صينيه رفيعه زي صواني البيتزا والتارت ونجيب نص كميه الكنافه ونكبس بايدينا كدة لحد مالصينيه تاخد طبقه مش سميكه عشان لسه هنحط حشو وطبقه تانيه
- 6
بعد مانكبس جامد بايدينا هنكون جهزنا الكريم شانتيه سواء بودر وضربتيه مع لبن او مياه او كريم شانتيه جاهز زي ماتحبي هنحط الكريم شانتيه
- 7
نكون مقطعين المانجا شاريح رفيعه بالطول كدة بعد تقشيرها طبعا هنحط شرايح المانجو فوق الكريم شانتيه
- 8
ملحوظه لازم تكون المانجه زبديه مش مفتله ولا حادقه بتاعه عصير عشان تطلع معاكي مظبوطة ومسكره
- 9
بعد مانكون رصينا كدة الكنافه ف الارضيه وفوقيها الكريم شانتيه وفوقها شرايح المانجو هنحط نص الكنافه التاني فوق خالص وبرده نكبس برااحه بحيث ميبانش اي كريمه ولا مانجا بس تدخل التلاجه مش اقل من ساعتين متغطيه طبعا عشان تمسك ف بعضها
- 10
وتتقلب ف طبق تقديم وتقطع وتزين بالكريمه والمكسرات حسب الرغبه وبالهنا
وصفات مشابهة
وصفات ننصحك بمشاهدتها
التعليقات