نحمس الشعيريه بتاوة كبيرة أو قدر كبير بدون زيت ألى أن تتغير لونها قليلا.. احمرار بسيط.. ونرفعها بصحن

نسخن ماء ساخن بالقدر اللي راح نعمل فيه الشعيرية ونحط ماء وملعقتين زيت ونضيف الشعيرية اللي حمرناها مسبقا و تسلق بالماء لمدة دقيقتين فقط ألى 3 دقايق ثم يصفى منه الماء بمشخله واتخلصي من الماء الساخن فورا..

انتبهوو انا قلت دقيقتين فقط لان الشعيريه بسرعه تستوي واذا خليتوها اكثر راح تصير عندكم مثل العجين ونحن نبيها متناثره..

بنفس القدر نشغل النار ونسخن القدر ونحط ملعقتين كبار من السمن البلدي أو زيت عادي ولكن يفرق بالطعم قليلا ونوطي على نار خفيفة ونسكب الشعيريه بعد ماتخلصنا من الماء تماما و 4 الفناجين السكر ونخلطهم مع بعض بتحسوها صارت سائله شوي.. وراح تلاحظون أن كمية السكر شوي كثيره ماتخافو هذي راح تتشربها الشعيرية كامله بعد مانخليها على نار هادئة..

ونحط فوقها ملعقة زعفران وملعقة هيل تتوزع كامل من فوق ونغطي عليها ونخليها شي 10 دقائق ألى أن تتشرب الشعيرية السكر على نار خفيفة أو حتى يجف السكر منها..

بعد ماخلصت نحطها بحافظة طعام حافظ للحراره لانها أحلى وهيا تقدم ساخنة ونعمل البيض..

نساوي قرص بيض مكوناته ملح قليل وشويه هيل اذا حابين ونخلطه ونسويه قرص عادي على تاوة مع زيت.. ونحطه فوق البلاليط..