بنجيب الفخدة والاهم تكون مخليه من الليه والدهن وبنعمل فيها شقوق ع الجهتين لحتى تدخل فيها التتبيله

بنجيب البهارات المذكورة كلها وبندهن الفخدة بكل هالبهارات وبعدين بندق الثوم وبنحط معو عصير الليمون وزيت الزيتون وبنحطو داخل الشقوق وبنغطي كامل الفخدة

ما بنحط الملح لانو بيشد اللحمه يعني كل البهارات والثوم والليمون وبنغلفها وبنتركها ليله كامله في الثلاجه

تاني يوم بنحمي زيت الزيتون ووبنقلب اللحمه ع الوجهين بعدين بنحطها بصنيه الفرن مع الخضار مع كوب ماء وبنغلفها بالقصدير وبنتركها ساعه ونص

وبالاخر قبل ما تستوي بنضيف الملح وصحتين وعافيه