طاجن المكرونه بالدجاج المفروم والجبنه
طاجن المكرونه بالفراخ المفرومه والكريمه والجبنه
طاجن المكرونه بالدجاج المفروم والجبنه
طاجن المكرونه بالفراخ المفرومه والكريمه والجبنه
الخطوات
- 1
الطريقه الأول هنشوح البصل والثوم في الزيت لحد ما يدبل وبعدين نضيف الفراخ المفرومه ونقلب
- 2
نهدى النار عليها ونسيبها خمس دقايق وبعدين نضيف الفلفل الرومى والطماطم والصلصه والملح والفلفل والتوابل انا حطيت مكعب ماجى ونقلب كويس ونطفي النار ونخليها على جمب
- 3
المكرونه نسلقها هي والذرة نصف سلقه ونخليها على جمب آخر حاجه الكريمه هنخلط اللبن وهيكون بارد مش سخن مع اللبن البودرة والدقيق ونضربهم في الخلاط لحد ما تعمل رغوة على الوش ويتقل اضافه اللبن البودرة خلت الطعم كريمى أكنى ضايفة على اللبن كريمه
- 4
مفيش فرق خالص الأول كنت بحط كريمة بس لما فكرت في الطريقه دى استغنيت عنها هناخد اللبن إلى ضربناه في الخلاط هو والدقيق واللبن البودرة ونحطهم على النار ونحط معلقتين زبدة وملح وفلفل وماجى وهنقلب باستمرار مش هنوقف تقليب عشان هيتكتل لحد ما الخليط يتقل ويبدء يعمل فقاقيع
- 5
يبقي كدة تمام ونطفي النار عليه لو حسيتى انه تقيل اوى ممكن تضيفي نصف كوب لبن سخن بالتدريج وتقلبي لحد ما يختلط كويس
- 6
نجيب الطاجن ونحط شويه كريمه فيه يغطى الطاجن من تحت وفوقيها شويه مكرونه بالذرة ونخلطهم بالكريمه وبعدين نحط طبقه
- 7
طبقه الفراخ المفرومه وفوقيها طبقه تانيه من المكرونه والذرة ونضيف فوقيها رشه جبنه مبشورة مشكله رومى على موتزريلا
- 8
وبعدين نحط كميه كريمه كافيه تغطى الطاجن كله وآخر حاجه نرش جبنه تانى على الوش ويدخل الفرن لمدة نصف ساعة ومن غير شوايه الوش هيحمر لوحده
وصفات مشابهة
-
-
-
طاجن المكرونه بالسدق (السجق) طاجن المكرونه بالسدق (السجق)
الفكرة اخدتها من طاجن المكرونه باللحمة المفرومه وعملتها بالسدق على سبيل التغيير
-
طاجن الدجاج بصوص الطماطم والجبن طاجن الدجاج بصوص الطماطم والجبن
#وصفه لذيذة جداً#وصفات#دجاج
-
-
-
وصفات ننصحك بمشاهدتها
التعليقات (3)
المكرونة سلقتها سلقة كاملة ودا خلاها طرية جدا لما طلعت من الفرن، مكنتش مهرية بس طرية. فممكن تسلقيها سلقة او ¾ سلقة.
تاني حاجة حطيت في التوابل بتاعة الفراخ رشة صغيرة جدا من اكليل الجبل (الروزماري) ورشة صغيرة زعتر. طعمهم قوي وضافوا ريحة تحفة للاكل عشان كدة حطيت حبة صغيرين.
انا عملتها بفراخ متقطعة حتت صغيرة مش مفرومة وكانت الفراخ طرية وجوسي وحلوة.
دي اول طبخة كاملة اعملها لوحدي وبجد تسلم ايديكي (انا ولد).