فطيرة طاقية السلطان 💚

إيمان أحمد
إيمان أحمد @eman1421
أسيوط. مصر
تعديل الوصفة
شاهد أخبار وصفتك
شارك
شارك

المكوّنات

  1. 3وربع كوب دقيق + رشة ملح
  2. 1/2 كوبماء دافي + نصف كوب حليب دافي
  3. 1/4 كوبزيت
  4. 5 معالق كبيرةمن السكر
  5. معلقة كبيرةخل (اختياري)
  6. 1بيضة بحرارة الغرفة (هنستخدم البياض في العجينة وصفار البيضه للوجه) + ملعقة صغيرة فانيليا
  7. 2 معلقة صغيرةخميرة
  8. معلقة كبيرةونصف من الكاكاو الخام
  9. معلقتين كبار زبدة
  10. شوكولاته اسبريد او اي نوع متوفر عندك وممكن مكسرات
  11. لدهن العجينة
  12. صفار البيضه
  13. رشةفانيليا
  14. معلقتين كبار حليب
  15. معلقةخل

الخطوات

  1. 1

    في بوله هنحط فيها نص كباية مية دافيه ونص كباية لبن وربع كباية من الزيت وبياض البيضه ونقلبهم مع بعض كويس جداً... بعد كده هننزل عليهم بخمس ملاعق كبيرة من السكر ومعلقتين صغيرين خميرة ومعلقه صغيرة من الفانيليا،ونقلبهم كويس وممكن نضيف ملعقة كبيرة من الخل (اختياري)

  2. 2

    هنضيف عليهم ٣ كوبايات وربع من الدقيق وعليهم رشة ملح هنضيفهم بالتدريج
    ونبدا نعجن كويس لغاية ما تتكون عجينه متماسكة..
    هنقسم العجينة نصين متساووين
    نص منهم هيبقى بالشوكولاتة ونص ساده بالفانيليا

  3. 3

    هنجيب نص منهم ونضيفله ملعقة كبيرة ونص من الكاكاو الخام ونعجنها كويس ونضيفلها ملعقة زبدة ولو مفيش زبدة ممكن نضيف زيت.
    والنص التاني من العجينة هنضيفله برضه ملعقة كبيرة من الزبدة ونعجنها كويس ونغطيهم ونسيبهم على جنب لمدة ساعة.

  4. 4

    بعد كده هنفرد كل عجينه لوحدها بشكل مستطيل ونحاول نساويهم ببعض..
    وبعدين هنحط العجينة البيضه من تحت وعجينه الشوكولاتة من فوق بالشكل ده.
    وهنحط اي نوع شوكولاته وممكن شوكولاته سبريد او مكسرات بالشكل ده..

  5. 5

    بالسكينه او بقطاعة البيتزا نعمل شرط كده

  6. 6

    هنبرمهم من فوق لتحت واحدة واحدة وبعد كده هنلف باقي العجينة عليهم..

  7. 7

    هتبقى بالشكل ده ونغطيها ونسيبها تختمر ساعة كمان...
    بعدين هنجيب صينية مدورة مقاس ٢٢ او ٢٤ وندهنها زيت ونحط العجينة فيها

    وهندهن الوجه(بصفار البيضه ومعلقتين كبار لبن ورشة فانيليا ومعلقة صغيرة خل)

  8. 8

    هندخلها الفرن رف وسط على درجة حرارة ١٨٠
    ولما نتأكد انها استوت كويس من تحت واخذت لون من فوق هندهن وجهها بزبدة ونغطيها لمدة ١٠ دقائق عشان تفضل طرية

  9. 9

    وده الشكل النهائي وبألف هنا 🥰👌

تعديل الوصفة
شاهد أخبار وصفتك
شارك

الكوكسناب

هل جرّبت هذه الوصفة؟ أضف صورة طبقك واكتب قصّة تجربتك

رسم كرتون رمادي مرسوم باليد لكاميرا ومقلاة مع نجوم تتصاعد من المقلاة
سأطبخها اليوم
إيمان أحمد
نُشرت في
أسيوط. مصر

التعليقات

وصفات مشابهة