تصفية المرمز

اول حاجة بعد مايترحا جيبي سيار الزرع تاعك هو اللي يكون عينو كبيرة نحي بيه النخالة الكبيرة

ثم نجيبو السيار اللي تحتو حنا عندنا نقولولو سقاط نسيرو به

ثم نجيبو الرفاد اللي هو فوق الدقاق الرقيق خلاص ونحيو بيه الرطب وراح نتحصلو على اول نوع من المرمز الطمينة

نجيو لنوعين اللي بقاو كيما نعرفو الشعير في القشرة ولازم نتخلصو منها اذا كان عندك طيرانس وكاين الريح اطلعي لفوق وفرشي درا ولا باش وذري كل نوع وحده وعاودي العملية حتى يصفا وهي احسن طريقة

الطريقة الثانية اذا تسكني في برطمة ولا ماعندكش كيفاه و كانت عندك مروحة كهربائية شغليها وذري المرمز قدامها وعاودي العملي مرة زوج وراح تتخلصي منها

هذه الانواع الثلاث وكل نوع يستخدم في اكلة الرقيق طمينة والاوسط نقولولو بودشيش والخشين نقولولو البخبوخ وراح نحطلكم كل نوع وفيماه نستخدموه