تقطيعة الفراخ
لو قلتي للفرارجي "عايزة شيش طاووق"، غالبًا هيدّيك وراك مخليّة، ودي بتتقطع مكعبات متساوية الحجم عشان تستوي بشكل متوازن.

لو بتحبوا القطع كبيرة أو صغيرة، حافظوا على نفس الحجم لكل القطع لضمان تسوية موحدة.

الفراخ "عطشانة" وبتشرب التتبيلة بسرعة، لذلك هنقسم التتبيلة على مرحلتين لضمان أفضل طعم.
نرش البهارات مباشرة على قطع الفراخ المقطعة ونقلبها جيدًا.

دي خطوة بسيطة لكنها بتخلي الطعم أقوى بكتير لأن الفراخ بتمتص التوابل وهي ناشفة.

بعد ما الفراخ شربت التوابل، نضيف:

كوب زبادي تجاري (أي نوع متاح)

نفس معيار علبة الزبادي زيت

ملعقة كبيرة من الصلصة (ده سر اللون الأحمر الجذاب!)

ملعقة صغيرة صويا صوص

ملعقة صغيرة مسطردة

عصير ليمونة

نقلب التتبيلة كويس ونغطيها وندخلها التلاجة لمدة 4 ساعات على الأقل، أو الأفضل نسيبها ليلة كاملة عشان الطعم يبقى قوي.

تحضير الخضار
اختاري خضار ما ينزلش مياه كتير بعد الشوي.
الفلفل الألوان، البصل، والطماطم الشيري (لو متاحة).
ملاحظة: لو هتستخدمي طماطم عادية، حطي منها قطع صغيرة في الأسياخ.

تحضير الأسياخ
أسياخ الحديد هي الأفضل لأنها بتساعد الفراخ تستوي أسرع من الداخل.
لو هتستخدمي أسياخ خشب، لازم تنقعيها في مياه لمدة طويلة قبل الاستخدام عشان ما تتحرقش أثناء الشوي.

نرص الفراخ والخضار

طريقة الشوي
🔥 في الفرن:
سخّني الفرن قبلها بـ10 دقائق.
لو عندك مروحة في الفرن، شغّليها عشان الحرارة تتوزع كويس.
دخّلي الأسياخ على حرارة متوسطة لمدة 30 دقيقة.
لو الفرن شغال من تحت بس، سيبيه 10 دقائق تحت، ثم حطيه تحت الشواية 20 دقيقة حتى يتحمر.

🔥 على الجريل:
سخّني الجريل كويس، وادهنيه بمسحة زيت.
اشوي الأسياخ على نار متوسطة، وقلّبيها كل فترة لحد ما تستوي.