1️⃣ تجهيز الفراخ:

نقطع الصدور لمكعبات متوسطة ونشيل أي دهون منها.

نقطعها شرائح رفيعة لكن مش رفيعة قوي عشان متنشفش بعد التسوية.

حيلة مهمة: نحط الفراخ في الفريزر لمدة ساعة قبل التقطيع عشان تكون متماسكة وسهلة التقطيع.

2️⃣ التتبيلة:

نخلط كل مكونات التتبيلة مع التوابل كويس جدًا.

نحط الفراخ فيها ونقلبها كويس لحد ما تتشرب التتبيلة.

الأفضل نسيبها في التلاجة أقل حاجة ساعتين، ولو سبناها ليلة هتبقى أحلى بكتير.

3️⃣ التسوية:
🔥 في الفرن:

نشغل الفرن على حرارة 250 درجة مئوية ونحط الصينية فاضية فيه لمدة 10 دقائق عشان تسخن كويس.

نحط رشة زيت في الصينية، وبعدها ننزل بالشاورما ونفردها كويس.

نحط فوقها قطع صغيرة من اللية الضاني عشان تدينا نكهة رهيبة.

ندخلها الفرن ونقلبها من وقت للتاني لحد ما تستوي ويبقى لونها ذهبي.

🔥 ممكن كمان نشويها في القلاية الهوائية:

على حرارة 250 درجة لمدة 7-10 دقائق مع التقليب كل شوية.

🍟 البطاطس:
1️⃣ تقطيع وسلق البطاطس:
نقطع البطاطس أصابع متوسطة.
نحطها في حلة فيها مية على النار.
أول ما تبدأ المية تطلع فقاعات صغيرة (قبل الغليان الكامل)، نصفي البطاطس وننشفها كويس.

2️⃣ التتبيل والتسوية:
نحط على البطاطس رشة ملح، توابل بطاطس (اختياري)، ورشة زيت زيتون.
ندخلها القلاية الهوائية على درجة حرارة 180-200 لمدة 15 دقيقة مع التقليب كل شوية.

3️⃣ اللمسة السرية:
وهي سخنة، نحطها في الصوص اللي نزل من الشاورما ونقلبها كويس عشان تشرب الطعم. 😍

🧄 التومية الصحية:
1️⃣ نخلط مع بعض:

4 ملاعق زبادي يوناني.
6 ملاعق مايونيز صحي.
3 فصوص توم مفرومين.
رشة ملح.
نقلبهم كويس لحد ما القوام يبقى ناعم ومتجانس.

1️⃣ نجيب خبز تورتيلا.
2️⃣ ندهنه بطبقة حلوة من التومية.
3️⃣ نحط عليه البطاطس المتبلة بصوص الشاورما.
4️⃣ نضيف الشاورما فوق البطاطس.
5️⃣ نلف التورتيلا كويس وندخله التويستر ياخد وش خفيف لحد ما يتحمص ويبقى مقرمش.