نحط العدس في المي بعدما يغلي و نتركه لحتى يستوي و طبعا نحطلو الملح والبهارات يلي بدنا في الأثناء نكون نقلنا الرز في المي ع جنب..

نصفي العدس و في نفس المي نحط الرز لحتى ينضج تماما.. و نخلط العدس والرز عادي متل المجدرة يلي بنعملها بالعادة😊

هون رح ضيف لمستي الخاصة 😄 بجيب بصلتين أو تلاته بقطعهن متل العادة شرايح و بحطهن بالمقلات يلي مسخنتا من قبل و بقلبهم منيح بعدين بقطع الثوم قطع صغيرة

الكبدة قبل ما حطها تغلي في وعاء بتبلها و حطلها خل و زيت زيتون و ليمون وبهارات بعدين نفس المكونات بضيفها عليهم مي و بتركه يغلي بعدين بصفيها (ما بكب المي رح احتاجه) و بقطعها و بضيفها للمقلات يلي فيها الثوم والبصل اتركهم يتقلبو على نار هادئة بعدين كل شوي بصب عليهن من المي يلي فيها لبهارات و ما بنسى حط ورق الغار مشان تعطي نفس حلوة للصلصلة 🌿🌿

آخر شي بشيل شوي من الصوص جزء بخلطه مع المجدرة وبحطها بصحن التقديم و الجزء الباقي بزين فيه

و أخيرا بقطع البيض بعد ما سويته و بزين طبقي و هيك بكون حضرت طبق مفيد و شهي وكمان طلعت من طبق الروتيني المعتاد

صحة وهنا وانشالله يعجبكم ❤❤