طريقة عمل اللوبيا الشهية
الخطوات
- 1
اول حاجه بنسلق اللحمة و احنا بنسلوقها بنحط بصل و ملح و فلفل و مكعب مرقة لحمه و حبهان و لورا و رشة بهارات مشكلة
- 2
نضيف كمان رشة جوزة الطيب و ممكن كم واحدة روز مارى او رشة ريحان عشان المرقة بتفرق فى طعم الخضار.
- 3
بنكون قبلها احنا ناقعين اللوبيا و سلقناها فى مايه ع النار لحد ما تستوى و تقطم معانا.
- 4
بعد كده بنجيب حله و نحط حابة زيت و نحط البصله و نشوحها.
- 5
و بعد كده بنحط صلصة الطماطم و نقلب و نحط عليها كبشتين من مرقة اللحمة و تتساب تغلى شويه عشان تتسبك.
- 6
بعد كده بنسقط اللوبيا المسلوقة و لو محتاجه شوربه بنزود و نظبط حدوقيتها.
- 7
اما تستوى خالص بنجيب طاسة صغيره و نحط معلقه سمنة و فصين توم مفروم و حابة كزبرة ناشفة و نقلبها لحد ما تصفر بعد كده بنطشها على اللوبيا و نقلبها..و تقريبا انا بعمل الطشة دى على كل الخضار لانها بتتدى طعم و ريحة فى الاكل و كمان مش بكترها فمش بيبان طعم التوم و الكزبرة.
- 8
جربوها و يارب تعجبكوا يارب..بعملها مع رز و شوربة لسان عصفور و لحمة.. كل سنة و انتوا طيبين 🤗🤗
وصفات مشابهة
-
-
-
-
-
طريقة عمل الو باجي طريقة عمل الو باجي
اكله هندية مكونة من البطاطا تشتهر بالهند بالمناسبات وتؤكل بجانب خبز البوري او الشباتي او البراتا
-
-
وصفات ننصحك بمشاهدتها
التعليقات