او شي نسلق البطاطا منيح ونهرسها منيح مع شوية كمون وفلفل اسود وملح ونفردها بطبق التقديم منيح ع كامل الطبق

الحشوة صدور دجاج مقطعة إلى مكعبات صغيرة أول شي نحط الزيت والبصل ورش عليه شوية ملح منشان يذبل بس يذبل نحط الصدورا لحتى تنشف المي تبعن ونرش عليهن بهارات يلي بحبها وبس تستوي بحط الجزر فوقها الفليفلة الخضرا وقلبن شوي لتستوي الخضرا وتنزل ميتها وآخر شي بحط والبقدونس وطفي الغاز

بمد الحشوة يلي حضرتها فوق البطاطا منيح وفوقها حط جبنة موزريلا

صلصلة البشميل بحط بالطنجرة ملعقتين الزبدة مع الطحين وحركن شوي وحط كاستين الحليب ع نار وسط مع التحريك المستمر لحتى يثقل قوام البشميل وبس يثقل يصير متماسك بحطو فوق الحشوة والبطاطا ودخلو ع الفرن

وشغل عليه من فوق وتحت لحتى تحمر الصنينة وقبل ما تحمر الصينية بطلعو من الفرن وحط عليه جبنة موزريلا وارجع دخلو لحتى تحمر منيح😍

ملاحظة ممكن إضافة اي نوع من الخضرا مثل الفطر او الذرة او الكزبرة الخضرا إختياري 🌹