هنجهز الحاجة.

اول حاجة هنحط الميّة في حلة صغيرة على نار متوسطة.

هنضيف الزيت على الميّة و نقلبهم مع بعض و نسبهم لحد ما الماية مع الزيت تغلي.

هنوطي النار على الاخر، ونحط الدقيق ونقلبه كويس اوي لحد ما يلم و نطفي النار، ولو بتستخدموا حلة بتحتفظ بالحرارة يبقى تطفوا النار قبل ما تحطه الدقيق.

هتسيبوها لحد ما تبرد تماما.

بعد ما بردت خالص هنبدأ نضيفلها البيض بالتدريج، يعني نحط بيضة ونقلبها كويس قوي لغاية ما ماتبنش، ونحط البعديها.

ده يبقى شكلها بعد اول بيضة.

تاني بيضة.

تالت بيضة.

رابع بيضة مع الڤانيلا.

هنحطها في كيس حلاواني مع البلبلة دي.

هنلزق ورق الزبدة بحتة من الخليط علشان ميفضلش يتحرك.

زي كده.

هنعمل اي اشكال اكلير احنا عايزنها.

هنحطهم في الفرن لمده ٢٥ دقيقة على درجة حرارة ١٨٠, وده شكلها بعد ما نفشت.

ده شكلها بعد ما طلعت، عايزنها افتح من كده، افتحوا الفرن من تحت بس ومن فوق اخر ٥ دقايق.

زي كده.

ده شكلها من جوه، بتحشوها اي حاجة انتم عايزنا، كريمة او كاسترد او موس شكولاتة.

شكلها النهائي.