سمنة بلدي طبيعي ومورتة تحفة😋😋
حاجة كده وهم هتاكلوا صوابعكم وراها ❤
الخطوات
- 1
بجمع وش كل كيلو لبن بغليه بعد مايبرد
- 2
احطه في برطمان نضيف وأحطه في التلاجة
- 3
لحد مااجمع برطمان كبير بتاع الجبنة الكيري
- 4
وطلعته من التلاجة سيبته لحد ما بقي بدرجة حرارة الغرفة
- 5
حطيته في طبق بلاستيك كبير وحطيت عليه معلقة ملح
- 6
وقلبته كويس بالمضرب اليدوي لاني كسلت اطلع البلندر 😂😂.. بس قلبته كويس جدا لحد مابقت زي الكريمة كده او الجبنة السايحة
- 7
حطيتها في حلة علي نار هادية خاااااااالص وفضلت اقلبها كل دقيقتين
- 8
لحد مابدأت تفصل تبقي المورتة تحت والسمنة ارتفعت فوق... قلبتها تقليبة واحدة وسيبتها تفصل بقي
- 9
لحد ماوصلت المورتة للون دا ورست تحت في الحلة والسمنة بقت فوق... طفيت وجيبت برطمان نضيف متجفف ومتعقم وفضيت السمنة فيه بسرعة
- 10
والمورتة كانت محببة حطيت عليها معلقتين لبن بارد وقلبتها كويس اوي... وطعمها بقي تحفة
- 11
وريحة السمنة ماشاء الله تبارك الله تحفففففة وقالبة الشقة 🙈🙈... وكده بقي عندكم احلي سمنة بلدي طبيعي وعارفة انتي اصلها لانها من عمايل ايديكي
- 12
نسيت اقولك كل ماتجمعي وش لبن كتير.. كل مايعملك كتير
وصفات مشابهة
-
-
-
-
-
سمنة بلدي من قشطة اللبن 😉 سمنة بلدي من قشطة اللبن 😉
الناس اللي بتشيل وش اللبن ومش عارفة تعمل بيه ايه تعالو هنا وانا حقولكم علي اسهل طريقة تحولوا النشطة دي لسمنة بلدي تحفففففففة.. تابعوا معايا 😍😍
-
-
-
وصفات ننصحك بمشاهدتها
التعليقات