منحضر الصلصة ويلي هي كل المكونات مع بعضها باستثناء شرحات الدجاج والدهنة

منقطع شرحات الدجاج شرحات رقيقة وصغيرة

مننقع الشرحات بالصلصة اقل شي نص ساعة

مندوب الدهنة بمقلاية ومنحط الشرحات فوقها ومنضل منقلب على نار وسط لتستوي الشرحات

منحط الشرحات بصينية ومندخلها عالفرن بس من فوق على حرارة ١٨٠ لتتأمر وتتحمر شوي

منجهز الخبز ومعو مخلل الخيار وتوم المايونيز

منلف السندويش وبالمقلاية نفسها وبالدهنة يلي فيها منحطهن ومنكبسهن بغطا طنجرة

وبس يتحمرو شوي منقطعهن ومنقدمهن مع بطاطا مقلية وصحة وألف هنا

بالنسبة لتوم المايونييز لح نزل طريقتو بوصفة جديدة انشالله