بعد تقطيع الباذنجان و رش ملح عليه وتركه قليلا جانبا ، بتبدئي القلي ، وتضعيه جانبا على ورق نشاف للمطبخ يمتص الزيت.

ممكن قلي الفليفلة قليلا قبل الباذنجان ، لكن مش ضروري.

أثناء القلي بتبدئي طبخ اللحمة المفرومة ، في قلاية حجمها جيد بتضيفي زيت قلي والبصل المفروم

ثم تضيفي اللحمة المفرومة حتى يتغير لونها وبتضيفي البهارات وبتستمري بالتقليب

ثم تضيفي البندورة المفرومة والفلفل الحار وبتوطي النار وبتغطي القلاية حتى يتسبك المزيج كامل.

بتضيفي رب البندورة لقلاية اللحمة وبتتذوقي طعم المزيج مع اللحمة، بهذه الأثناء ممكن المي تكون صارت قليلة ، ضيفي ماء مغلي قليلا وارجعي غطي القلاية ليتسبكوا مع بعض، خليه مزيج سائل شوي فيه ماء.

بصينية ضعي طبقة من الباذنجان، فوقها طبقة من حلقات الفليفلة ثم فوقهم طبقة من مزيج اللحم والبندورة، ثم كرري طبقة من الباذنجان وشوية فليفلة وارجعي اسكبي باقي خليط اللحمة وحطي باذنجان عالوجه كمان لو حبيتي و حلقات فليفلة حتى تعطي كمان شكل حلو.

غطي الصينية بورق قصدير ، وأدخليها الفرن على حرارة 180 او 200 (سخني الفرن قبل بعشر دقايق).

كل ما تفتحي عالصينية لو شفتي الماء قليل زيديه قليلا بماء مغلي وسكري عالصينية واتركيها شوي بالفرن، يمكن تلت لنص ساعة اتضل بفرنك.

بعد ما تطفي الفرن من تحت لانه كل شي اصلا مستوي ، حمري وجه الصينية.

واعملي رز أبيض جنبها لو حبيتوا وبينفع تاكلوها بخبز بس، للأسف نسيت أصورها بس كتير طيبة.. وصحـــة وعافيــــــة :)