نذوب السكر بالفانيليا في الماء ونتركه جانبا،،، نضع السمنه في الطاسه واول ماتسيح نبعدها عن النار ونضيف نصف كميه الدقيق ونقلب تقلبتين ثلاثه ثم الباقي من الدقيق ونغلغل السمنه في الدقيق ونرجعه على النار المهم وهو على النار مانبطلش تقليب نهائيه التقليب.

يكون الاول بلم معجون الدقيق والسمنه دايما مع بعض وعدم تركه على قد ماتقدري مع الحرص في نفس الوقت على دعك العجينه في بعض وبطبطتها ونرجع نفكها ونقلب ونلم وبطبط ونفرك و و كله وانتى ماسكه يد الطاسه وبالمعلقه الخشب وخالي بالك من الدقيق وهو ساخن لسعته وحشه😢

خدى حذرك وصبي مقدار الماء المذاب فيه السكر على مرحلتين وبعد ماتصبي لمى العجينه وبطبطى عليها وانتى بتلمى افركى كلاكيع الدقيق بس المرحله دى عايزة سرعه علشان مايكلكعش منك ارجعى على النار وقلبي وافركى حبات الدقيق المتكونه لحد ماتحسي بنعومه العجيبه

وانتى بتقلبي كل مادرجه حراره الدقيق هتذيد هتلاقي السمنه بتظهر والمعجون بقي اسهل في التقليب قلبي كمان وكمان لحد ما المعجون يبقي لونه بنى كهرمان او لون البن الفاتح او لون الكراميله بس اغمق شويه في الوقت ده ابعدى الطاسه من على النار.

ملاحظة: استخدمي طاسة بيد وتفضل الطاسه الخاصه بالأكل الصينى (( المدوره من جوه)) ومعلقة خشب وليس معدن أو سيليكون محترم لاستحمال درجه حراره عاليه

اقفلي النار وضعي الكوره المعجون بتاعتك في طبق التقديم وافرديها وقطعيها دوائر او مثلثات ورشي جوز الهند بلاش اى حد يأكل منه كتير لأنه اسم على مسمى 😂😂 ألف هنا و شفا على اللي هياكل