تسلقي المكرونه وتصفيها وتخليها على جنب

تكشني البصل مع زيت لحد مايذبل

تضيفي التوم والفلفل القرون وتقلبيهم

تحطي كوب طماطم معصوره و نصف علبة صلصه

تحطي كل البهارات المذكوره وتقلبيهم لحد مايتجانسو

ترمي الكزبره المقطعه على الكشنه وتقفلي النار

نجي لنوع اللحم اللي حيكون موجود اما انك تقلي الجمبري او الدجاج او تطقطقي مفروم على حسب ما انتي تبغي او تحبي بطريقتك الخاصه

بعد مايتجهز نوع اللحم والمكرونه جاهزه قسمي الصوص لقسمين قسم للمكرونه وهو الاكبر والقسم التاني للحم اللي مجهزتو

اخلطي المكرونه بالصوص كامل واتركيه على النار سوا لمدة دقيقتين

اخلطي كمية الصوص الباقيه مع الجمبري او الدجاج او المفروم مزبوط

حطي المكرونه في طبق وزينيه

واخر شي حطي عليه الجمبري او الدجاج او المفروم اللي جهزتيه

ومع عصير توت بارد يا سلام وبالعافيه